FFB: Igisata c’ubuhinga catunganije inama yo kwihweza ivyokorwa mu gutegura neza ihiganwa

Vyanditswe itariki 23/08/2017 isaha 3:12:21

 

Kur'uyu wa gatatu 23 Myandagaro, igisata kijejwe ubuhinga mw'ishirahamwe FFB catunganije inama ku kigo « Centre Technique Nationale ». Intumbero y'iyo nama yari iyo gukora icegeranyo kw'ihiganwa ryarangiye 2016-2017(bilan), kwihweza hamwe icokorwa kugira ihiganwa rishasha rizogende neza kurusha. Hihwejwe kandi igenda ku bwinshi ry'abamenyereza n'abakinyi ko vyoshobora kuba intambamyi mu mupira wo mu Burundi hongera hihwezwa kandi ibiraba amasezerano y'abamenyereza bafitaniye n'imigwi.

Akamo katewe nuko buri mumenyereza yokora afitaniye amasezerano atomoye n'umugwi aba arimwo, abamenyereza bakaba kandi bahimirizwa gukora mu maguru masha imyidondoro y’akazi ariyo « CV » yabo. Iyo nama yabaye kandi akaryo keza ko kwerekanwa ku mugaragaro indongozi 3 zongewe mu gufasha ibiro bijejwe ubuhinga ku bijanye n'integuro yari yasabwe na benshi y’uko uturere 4 tugize igihugu twoba dufise indongozi zatwo, abo nabo ni:

- Nzeyimana Faustin arongoye akarere k’Uburengero, arongoye intara ya Ngozi, Kayanza,Kirundo,Muyinga.

- Habiyakare Gervais arongoye intara zo hagati hamwe n'Ubuseruko (Gitega, Karuzi,Cankuzo,Ruyigi)

- Nduwimana Majidi arongoye intara z'Ubumanuko (Rumonge, Bururi,Mwaro,Makamba,Rutana)

- Mupenda Mohsin hamwe na Kanega Alphonse barongoye intara za Cibitoke, Bubanza, Bujumbura rural,B ujumbura mairie hamwe na Muramvya.

Mwomenyako mu Burundi, abamenyereza bafise impapuro z'umutsindo zemewe na CAF (Licence A,B,C) ari 99 ( A:24 , B: 11, C:64) . Mu gusozera, umushingantahe Mupenda Mohsin arongoye igisata c’ubuhinga ku rwego rw’igihugu, yahimirije abamenyereza kuza baritabira amanama kuko ariyo yubaka akanatorera umuti ibibazo bitandukanye kuvyerekeye umwuga wabo.



Abagize urwego rw’ubuhinga n’abitavye inama

 

 

Ico mwiyumvira kur'iyi nkuru :

 

 

 

 

 

 

 

 

 

 

 

 

Primus League, umusi wa 13

Messager N. 3-0 Athletico Ol.
Delta Star 0-2 Musongati
Flamb. Est 0-2 Les Lierres
Olympic S. 0-0 Vital'O FC
Ngozi City 0-3 Flamb. Centre
Aigle Noir 3-1 Inter Stars
LLBS4A 2-1 Les Jeunes At.
Messager Bja 0-2 Buja City

 

Primus League, umusi wa 12

Kuwa 19/11
Les Jeunes At. 16:00 (PLR) Buja City